BNO 成功續領教學　旅遊達人教你影證片相不要笑！

近年部分港人都考慮續領BNO，但不少人對於續領手續都有不少問題。究竟BNO續領有甚麼步驟？有旅遊Blogger 「小薯仔遊記 Small Potato's Travel Diary」近日成功續領BNO，並撰文分享續領的小貼士。

更多旅遊情報【按此即睇】

以下為小薯仔遊記的分享：

1. 英國只接受續領BNO，唔接受新申請，如果唔見咗本舊BNO請先報警。 

2. 張表格唔算太特別，都係姓名地址電話，不過要準備父母嘅少少資料（例如舊BNO護照號碼，如有）同埋自己公公嘅名字（好奇怪，英國需要母系親屬而唔係父系親屬），填完表格就交錢，承惠大約102.86英鎊（折合港幣大約1019） 

【延伸閱讀】2017年最好用護照排行榜 香港特區護照排第幾？

3. 交完錢就盡快準備補充資料，包括： 

• 身份證底面彩色影印本 
• 出世紙（如有） 
• 舊BNO 
• 特區護照（最好護照正本，不過如果好似小薯咁嗰時要用特區護照去旅行嘅話，亦可以交彩色影印本連封面封底，不過佢地會收起） 
• 地址證明（政府信就ok） 
• 證件相2張 
• 任何一份有你張相嘅文件（小薯因為本特區護照有美簽所以無理到），以及 
• 聲明書同副簽（countersign，如需要） 

4. 證件相方面，小薯去咗快x美影，70元8張，仲幫你chop埋，你只需要注意以下三點： 

• 著深色衫，因為背景係灰色 
• 除眼鏡 
• 唔好微笑！（最重要係佢） 

【延伸閱讀】點解全世界的護照只得4種色系？

5. 副簽方面，如果好似小薯咁上一本BNO係嬰兒照就一定要做，英國官方話要副簽嗰個人要識申請者至少兩年（唔可以係直系親屬），而且要係專業人士，但係小薯搵咗一個拎British Passport嘅朋友（大家都係學生）都ok。另外副簽人都要喺每張證件相背面寫啲野，證明相中人係申請人。

6. 事關重大，小薯喺郵局買咗個郵用軟墊信封（11元），以保護重要文件。另外如果係普通空郵掛號就要36元，需時7至10日。 

7. 小薯於12月2日將所需要文件寄出，13日已經完成所有手續，新BNO同證明文件（政府信丶舊BNO）分別喺英國DHL番香港，可以選擇速遞員送到府上，或者去開廿四小時嘅DHL長沙灣總部拎（港鐵南昌站行十分鐘）。 

最後，小薯祝大家申請成功。

全文刊於小薯仔遊記 Small Potato's Travel Diary，TOPick獲授權轉載。

【其他熱話】BNO 續領教學短片 司徒夾帶拍片示範

【其他熱話】BNO VS 特區護照 「快證」點申請？

【其他熱話】續領BNO 的5條Q&A

【其他熱話】97前無攞BNO都可以再申請？